ഉമ്മ .........
അന്ന് വെളളിയാഴ്ച ദിവസം രാവിലെ തന്നെ നിര്‍ത്താതെ ബെല്ലടിക്കുന്ന ഫോണിനരികില്‍ ആ സ്ത്രീ കുറച്ചു നേരം പകച്ചു നിന്നു..
ഞാന്‍ ഫോണെടുത്താലോ ...?
അവനായിരിക്കുമോ ഫോണ്‍ വിളിക്കുന്നത്‌ ...
അല്ല അവനായിരിക്കില്ല അവന്‍ ലാന്‍ഡ്‌ ഫോണില്‍ വിളിക്കാറി ല്ലല്ലോ ..അവന്‍റെ ഭാര്യയെ വിളിക്കാന്‍ അവന്‍ അവള്‍ക്കു മൊബൈല്‍ ഫോണ്‍ കൊടുത്തയചിട്ടുണ്ട് ...
അപ്പോള്‍ പിന്നെ അവന്‍ ലാന്‍ഡ്‌ ഫോണില്‍ എന്തിനു വിളിക്കണം .
ഇനി അവന്‍ എന്‍റെ ആശ പോലെ എന്നെ വിളിക്കുകയായിരിക്കുമോ ..എന്നെ അവന്‍റെ ഉമ്മയെ
...മുന്‍പൊക്കെ എന്നെ അവന്‍ ഇടയ്ക്കിടെ വിളിക്കുമായിരുന്നു ..അവനെന്തെല്ലാംപറയാനുണ്ടാകും ..എല്ലാറ്റിനും എന്‍റെ അഭിപ്രായം അറിയണം ..എന്‍റെ സമ്മതം കിട്ടണം ....
ചെറുപ്പത്തിലും അവന്‍ അങ്ങിനെ ആയിരുന്നു ..എവിടെയും അവനെ കൂട്ടാതെ ഞാന്‍ പോകാറി ല്ലായിരുന്നു .. കിസ പറയുമ്പോള്‍ മൂളി കൊടുത്തില്ലെങ്കില്‍ അവന്‍ പിണങ്ങും ..ഉറങ്ങും വരെ അവനെ നോക്കി കിടക്കണം ..കിസ പറയണം ..അല്ലെങ്കില്‍ അവന്‍ പറയുന്നത് കേട്ട് ഉറങ്ങാതെ കിടക്കണം ..
അങ്ങിനെ യുള്ള അവനിപ്പോള്‍ എന്നെ വിളിച്ചിട്ട് മാസങ്ങള്‍ കഴിഞ്ഞിരിക്കുന്നു ..
'' ഉമ്മാനെ എന്ത് വിളിക്കാനാ ...വിവരങ്ങളൊക്കെ അവള്‍ പറഞ്ഞറി യുന്നതല്ലേ ....എന്തെങ്കിലും വിശേഷം ഉണ്ടെങ്കില്‍ ഞാന്‍ വിളിച്ചാല്‍ പോരെ ...ഇവിടെ ജോലിക്കിടയില്‍ വിളിക്കാന്‍ സമയം കിട്ടണ്ടേ ,,...കയിഞ്ഞ പ്രാവശ്യം വിളിച്ചപ്പോള്‍ അവന്‍ പറഞ്ഞ ന്യായങ്ങള്‍ അവര്‍ ഓര്‍ത്തു ..
ഈ സമയക്കുറവ് അവന്‍റെ ഭാര്യയെ വിളിക്കുന്ന കാര്യത്തില്‍ ഇല്ലല്ലോ അവന്‍ എല്ലാ ദിവസവും അവളെ വിളിക്കുന്നുണ്ടല്ലോ ...എന്ന് തോന്നാതെ അല്ല ..പക്ഷെ അവര്‍ അതാരോടും പറഞ്ഞില്ല ..
അവന്‍ തന്നെ വിളിക്കുകയായിരിക്കും എന്ന വിശ്വാസത്തോടെ
അലറി വിളിക്കുന്ന ഫോണില്‍ കൈ വച്ചു ഇപ്പോയെന്കിലും ..എന്‍റെ മോന് എന്നെ വിളിക്കാന്‍ തോന്നിയല്ലോ ...അവര്‍ സമാധാനിച്ചു ..
മക്കള്‍ക്ക്‌ ഉമ്മയെ ഒരിക്കലും മറക്കാനാവില്ല ..എന്തെങ്കിലും ക്ഷീണം വരുമ്പോള്‍ ആരായാലും ഉമ്മയുടെ മടിയില്‍ തല ചായ്ക്കാന്‍ കൊതിക്കും ..അയ്യോ ഞാനെന്തോക്കെയാണ് ചിന്തിക്കുന്നത്,,എന്‍റെ മോന് ഒരു ക്ഷീണവും വരുത്തല്ലേ നാഥാ....എന്ന പ്രാര്‍ഥനയോടെ അവര്‍ ഫോണ്‍ റെസീവര്‍ എടുത്തു ചെവിയില്‍ വെച്ചു..
ഹലോ ....
ഹലോ ....
ആരാ ...മോനല്ലേ ..ഇത് ഞാനാടാ ..ഉമ്മ ...
ങാ ....ഒളെടെപോയി ..എത്ര നേരമായി .ഓളെ മൊബൈല്‍ ബെല്ലടീന്ന് ഓളെന്താ ,,,ഫോണെടുക്കാത്തത് ..
ഓള് ഇവിടെ ഉണ്ട് ..
''എന്നാലിങ്ങള് ഓളെ വിളിച്ച് ഫോണ്‍ കൊടുക്ക്‌ ,,
ആ ഉമ്മ മരുമകളെ വിളിച്ചു ഫോണ്‍ കൈ മാറി ...
അടുത്ത മുറിയില്‍ മരുമകളുടെ വിളിക്ക് കാതോര്‍ത്തു നിന്നു ...
തന്‍റെ മകന്‍ ഭാര്യയോട് കാര്യങ്ങളൊക്കെ പറഞ്ഞു കഴിഞ്ഞ് ഫോണ്‍ ഉമ്മാക്ക് കൊടുക്ക്‌ എന്ന് പറയും എന്ന് അവര്‍ വെറുതെ ആശിച്ചു ...
തന്നോട് ഒരുപാട് നേരം മകന്‍ സംസാരിക്കുമെന്നും തനിക്കവനോട് സംസാരിക്കാനുള്ളതെല്ലാം അവന്‍ കേള്‍ക്കുമെന്നും ആ മാതൃഹൃദയം കൊതിച്ചു ...
പക്ഷെ ....ഭാര്യയുമായി ..ദീര്‍ഘ നേരം സംസാരിച്ചു കഴിഞ്ഞപ്പോള്‍ അവന്‍ ഫോണ്‍ കട്ട് ചെയ്തു ..
ആശാ ഭംഗം കണ്ണുകളില്‍ കണ്ണുനീര്‍ ഉറവ പൊട്ടുമോ എന്ന് ഭയന്ന് ആ മാതാവ് മരുമകള്‍ക് മുഖം നല്‍കാതെ മാറി നിന്നു ...
അവള്‍ ഫോണ്‍ വെച്ചു പോകുമ്പോള്‍ ..പിറുപിറുത്തു ..ഈ ..ഇക്കാക്ക് വട്ടാ ചില സമയം .....ഇന്നലെ രാത്രി വിളിച്ചതല്ലേ ..ഞാന്‍ ഫോണ്‍ സൈലെണ്ട് ആയത് കൊണ്ട് കേട്ടില്ല അതാ എടുക്കാഞ്ഞത് ...ഫോണില്‍ കിട്ടാണ്ടായപ്പോള്‍ ആകെ ടെന്‍ഷനായി പോയി പോലും ...
ഇങ്ങിനെയുണ്ടോ ഒരു ഭ്രാന്തന്‍ .....ഭ്രാന്തനാ ...ഭ്രാന്തന്‍ ...
തന്‍റെ മകനെ ഭ്രാന്തന്‍ എന്ന് വിളിക്കുന്നത്‌ കേട്ട് മിണ്ടാതിരിക്കാന്‍ ആ ഉമ്മയ്ക്കായില്ല ...
മോളെ ഇഞ്ഞി അങ്ങിനെയൊന്നും പറയരുത് ...അല്ലാഹു അങ്ങിനെയൊന്നും ആക്കാതിരിക്കട്ടെ ...ഓ ..ന്‍ ഇഞ്ഞോടുള്ള സ്നേഹം കൊണ്ട് ചൂടാകുന്നതാ ...സ്നേഹം ഉള്ളവനാ എന്‍റെ മോന് ....എന്നും പറഞ്ഞ് തന്‍റെ കണ്ണുകള്‍ നിറയുന്നത് ആരും കാണാതിരിക്കാന്‍ അവര്‍ മുറ്റത്തേക്ക് ഇറങ്ങി .
[പ്രിയരേ ....ഇത് ഒരു മകന്‍ വിളിക്കാതതിലുള്ള പരിഭവം പറയുന്നത് കേട്ടപ്പോള്‍ എഴുതാന്‍ തോന്നിയതാണ് ...ഇത് വായിച്ചു ലൈക്‌ , കമെണ്ട് ഒന്നും ഇല്ലെങ്കിലും എല്ലാരും സ്വന്തം മാതാക്കളെ ഒന്ന് ഫോണില്‍ വിളിക്കണേ ..പ്ലീസ്‌
